एजेन्सी/ अमेरिकामा तीन महिलालाई एक दशकसम्म बन्धक बनाई यौनशोषण गरेको आरोपमा १ हजार वर्षको जेल सजाय पाएका व्यक्ति मृत फेला परेका छन् ।

एरियल क्याष्ट्रो नामका ती व्यक्तिलाई जेलमै झुन्डिएको अवस्थामा फेला पारी अस्पताल पुर्‍याएलगत्तै चिकित्सकले मृत घोषणा गरेका थिए ।

सुरक्षात्मक हिरासतमा राखिएका क्याष्ट्रोलाई हरेक आधा घण्टाको बीचमा निरीक्षण गर्नुपर्ने व्यवस्था रहेकोमा त्यही आधा घण्टाको अवधिमा नै उनले आत्महत्या गरेको हुनसक्ने आशंका गरिएको छ ।

ओहायोमा तीन महिलालाई १० वर्षसम्म बन्धक बनाई बलात्कार गरेको आरोप प्रमाणित भएपछि ५३ वर्षका क्याष्ट्रोले अगस्ट १ देखि आजीवन कारावास सहित १ हजार वर्षको जेल सजायँ भोगिरहेका थिए ।