काठमाडौ / एमाओवादीले गोरखा फुजेल घट्नाको अनुसन्धान अघि नबढाउन मंगलबार सरकारलाई दवाब दिएको छ ।

मन्त्रिपरिषद्का अध्यक्ष खिलराज रेग्मीसंग मंगलबार एमाओवादीका अध्यक्ष पुष्पकमल दाहालले बिहान भेटेर द्वन्द्वकालको घट्नालाई चालाउनु शान्ति प्रक्रिया विपरीत हुने बताए ।

दाहालसंगै  नेताहरु बाबुराम भट्टराई र नारायणकाजी श्रेष्ठ पनि बालुवाटार पुगेका थिए । उनीहरुले फुजेल घट्नामा आफ्ना कार्यकर्तालाई पक्राउ नगर्न आग्रह गर्दै त्यसो गरिए आन्दोलनको चेतावनी दिए ।

 द्वन्द्वकालमा मारिएका आफ्ना छोराको हत्यारालाई कारवाहीको माग गर्दै फुजेलका नन्दप्रसाद र गंगामाया अधिकारी लामो समयदेखि अनसनमा छन् ।

 सरकारले उक्त घट्नाको छानविन थालेको छ । त्यस घट्नाका आरोपित आफ्ना कार्यकर्ता पक्राउ पर्न सक्ने भएकाले माओवादीले सरकारमाथि दवाब बढाएको हो ।