काठमाडौं/ डलरको भाउ हालसम्मकै महँगो भएको छ । नेपाल राष्ट्र बैंकले आज बुधबारका लागि एक अमेरिकी डलरबराबर १ सय नौ रुपैयाँ ३ पैसा बिक्री दर तोकेको छ ।

मंगलबारको तुलनामा एकै दिन डलरको भाउँ २ रुपैयाँ ७० पैसाले महँगो भएको हो । राष्ट्र बैंकले मंगलबार एक अमेरिकी डलर बराबर १ सय ६ रुपैयाँ ६ पैसा तोकेको थियो ।

अमेरिकी डलरको तुलनामा भारतीय रुपैयाँ कमजोर हुँदा त्यसको असर नेपाली रुपैयाँमा पर्दै आएको छ । विगत करिब २२ वर्षदेखि भारतीय रुपैयाँसँग स्थिर विनिमयदरका कारण भारतीय रुपैयाँ कमजोर हुँदा नेपाली रुपैयाँ पनि अवमूल्यन हुँदै आएको छ ।

यसले नेपाल जस्तो सानो अर्थतन्त्र भएको मुलुकमा धेरै पक्षबाट घाटा हुने अर्थविद्हरूले बताउँदै आएका छन् ।