सकिएकै हो त स्टारको भ्यालु ?
आजभन्दा करिब दुई वर्षअगाडि सम्म पनि स्टार भनिएका कलाकारहरूले अभिनय गरेको फिल्मले राम्रो व्यापार गथ्र्यो । तर, अहिले आएर न स्टार कलाकारको फिल्म चलेको छ नत नयाँ अनुहारले अभिनय गरेको फिल्म चलेको छ ।
बलिउड र हलिउडमा हेर्ने हो भने अझै पनि स्टार भ्यालु देखिन्छ । नेपालमा भने स्टार भ्यालु किन हुन सकेन ? के अब स्टार भ्यालु सकिकै हो ? यो बिषयले अहिले बहसको सिर्जना पनि गराएको छ । स्टारले अभिनय गरेका फिल्महरू धमाधम फ्ल्प हुँदै गएकाले पनि यो बिषयले चर्चा पाएको हो ।
छविले स्टारहरूले आफ्नो स्टारडम बचाउन नसक्दा खस्किंदै जानु परेको तर्क अघि सारे । यस्तै फिल्म क्षेत्रमा कलाकार मात्र नभई निर्देशक र निर्माता पनि स्टार हुने उनको तर्क छ । “जसले राम्रो काम गर्छ र जसको कारण्ँले फिल्म चल्छ उ स्टार हो”, छबिले भने । अहिले अधिकांश अनुहार नयाँ आउनु र पुराना कलाकारले आफूलाई परिवर्तन गर्न नसक्नुले स्टारको महत्त्व हराउन थालेको भने उनले स्वीकारे ।
यता लामोसमय देखि नाट्य बिधामा काम गर्दै पछिल्लो समय नेपाली फिल्ममा सक्रिय बन्दै आएका अभिनेता अनुप बरालले स्टारको भ्यालु हराएर गएको बताए । उनले राजेश हमाल फिल्म उद्योगको एक मात्र स्टार रहेको बताउँदै उनको अभिनयमा भने प्रश्न चिह्न खडा हुने बताए । उनले भने–“राजेश जीले २० बर्ष भन्दा बढि समय फिल्मलाई आफ्नो काँधमा बोकेर हिँड्नु भयो जसले गर्दा उहाँ अहिले पनि स्टार हो । तर उहाँले आफूलाई सुधार्नेतर्फ प्रेरित गर्न सक्नु भएन जसले गर्दा अहिले स्टार भ्यालु कम हुँदै गएको छ ।
यस्तै अनुपले मनोरञ्जनको साधन थुप्रै आएकाले र दर्शकमा चेतनाको बृद्धि भएकाले अहिलेको पुस्तालाई स्टारले आकषिर्त गर्न नसकेको बताए । तर पनि पछिल्लो समयका दुई अभिनेता आर्यन सिग्देल र सौगात मल्लले आफूलाई परिमार्जित गर्दै लैजान सके भोलीका स्टार हुने बताए । तर, स्टार बन्न त्यति सहज नभएको उनको भनाइ छ ।
 |
0 comments
Write Down Your Responses
Thanks for Your comment.