मोहम्मद अजिज अलि, दोहा/ नेपाली जनसम्पर्क समिति कतारको चौथो बृहत बनभोज तथा बिजय उत्सब कार्यक्रम गत शुक्रबार २९ नोभेम्बरका दिन समाल गार्डेनमा भव्यताका साथ सम्पन्न भएको छ l

 बनभोज कार्यक्रमको सभापतित्व समितिका सभापति बिमल सुवेदीले गर्दै बिगतका बनभोज कार्यक्रम भन्दा केहि पृथक र महत्व बोकेको बताउदै भर्खरै सम्पन्न संबिधान सभामा नेपाली काँग्रेसको बिजयलाइ पनि उत्सबमा रुपमा काँग्रेसको प्रवास स्थित भात्रिसंगठन जनसम्पर्क समितिकतारले मनाउन लागिएको बताउनु भयो प्रमुख अतिथी संस्थापक सल्लाहकार संयोजक बद्रि पाण्डे र बिशेष अतिथी संस्थापक सभापति एवं महासमिति सदस्य नरेन्द्र भाटले आअफ्नो मन्तब्यमा नेपाली कांग्रेसको बिजयका लागि प्रवासमा रहेर महत्वपूर्ण भूमिका निभाउने जनसम्पर्क समिति लगायत सबैलाइ धन्यबाद दिदै निर्वाचन शान्तिपुर्व सम्पन्न गराउन सफल नेपाल सरकार, निर्वाचन आयोग, सुरक्षाकर्मी लगायत सबै मतदाताहरु धन्यबादको पात्र भएको बताउदै नेपालको इतिहासले जनता काँग्रेसलाइ नै देशको निकास दिन सक्ने पार्टी भनेर बिश्वाश गर्दछन भन्ने अहिलेको परिणामले देखाएको बताउनु भयो जनताको यो बिश्वासलाइ सार्थक बनाउन नेपाली काँग्रेस सफल हुनेछ भन्दै बिगतमा काँग्रेसको नेतृत्वमा नै सबै परिवर्तनहरु भएको स्मरण गराउनु भएको थियो महामन्त्री धिरज चामलिंग राइले संचालन गर्नु भएको कार्यक्रममा स्वागत मन्तब्य सहमहामन्त्रि मोहम्मद अजिज अलिले राख्दै कार्यक्रमको बारेमा प्रकाश पार्नु भएको थियो l 

अथितिहरुमा श्रीमती शुशिला पाण्डे, महासमिति सदस्य युबराज पाठक, महाधिवेशन प्रतिनिधि मोहम्मद शाकिर अलि, अर्जुन खड्का, निवर्तमान कार्यसमितिका बिशेष समन्वय समिती संयोजक राजेश दर्शन अर्याल, निवर्तमान उपसभापति भूपति भट्टराई, निवर्तमान महामन्त्री करिम बख्श मिया, सल्लाहकार तथा बिधान संसोधन संयोजक क्रान्ति सिंह, निवर्तमान कार्यसमिति सदस्य कुमार कार्की, भात्री संघठनका प्रमुखहरु मुस्लिम संघ जनसम्पर्क समिति, तरुणदल जनसम्पर्क समति, दलित संघ, इकाई समितिका सभापतिहरु लगायत पत्रकार महासंघका उपाध्यक्ष गणेश बन्जाडे, सचिब दिपक पुडासैनी, पत्रकार खगेन्द्र कार्की र चिरिन्जिवी तिमिल्सिना, ब्यबसायी बुद्धिजीवीहरु लगायत अधिवेशन प्रतिनिधिहरु सहित २५० जनाको उपस्थिति रहेको थियो l

 कार्यक्रमको औपचारिक उद्घाटन ब्यानर अनावरण र राष्ट्रिय गान बाट सुरु गरिएको थियो १ मिनट ज्ञात अज्ञात सहिदहरु प्रति मौन धारण गरिएको कार्यक्रममा विभिन्न खाले सांगीतिक प्रस्तुतीहरुले अझै रौनक थपेको थियो देशभक्ति तथा काँग्रेसका बिजयी गित लोक दोहोरि लगायत नृत्य कलाकारहरुले पनि आफ्नो कला प्रस्तुत गरेका थिए उनिहरुलाई अतिथीहरु ले पनि नाचेर साथ दिएका थिए l कार्यक्रममा राष्ट्रियता लोकतन्त्र र समाजवादलाइ जनसम्पर्क समिति कतारमा आवद्द रहेर पुर्याएको योगदानको उच्च मुल्यांकन गर्दै प्रमाण पत्र र प्रशंसा पत्रले सम्मान गरिएको थियो l

 एल्बमको बिमोचन नेपाली जनसम्पर्क समिति कतारको बनभोज कार्यक्रममा गायिका इन्दिरा शाहको गीति एल्बम पनि बिमोचन गरिएको छ कार्यक्रमका प्रमुख अतिथी, बिशेष अतिथी र अतिथीहरुले सिडीलाइ अनावरण गरि बिमोचन गर्नु भएको थियो भने गायिका इन्दिरा शाहले एल्बमकै गित गाउदै उक्त एल्बमको बिमोचन गर्न कार्यक्रममा अवसर जुटाई दिएकोमा जनसम्पर्क समितिलाइ धन्यवाद दिनु भएको थियो l