हिमालीयुवा डेक्सपरासी, पुस १९/नवलपरासीको परासीस्थित रामग्राम नगरपालिकाको दमकल प्रयोग बिहिन भएपछि जिल्लाका बासिन्दाहरू समस्यामा परेका छन् ।

दमकल बिग्रेका कारण प्रयोग बिहिन भएपछि स्थानीय सेवाग्राही साथै जिल्लाका बासिन्दाहरू मर्कामा परेका हुन् । सामान्य गडबडी भएतापनि नरपालिकाले दमकल मर्मत कार्यमा बेवास्ता गरेपछि जिल्लाका बासिन्दाहरू नगरपालिकको दकमल सेवाबाट बञ्चित भएका छन् । दमकलको क्लचप्लेट खराबी भएका कारण दमकल बिग्रदा यहाँका स्थानीय बासिन्दाहरूलाई समस्या परेको भएपनि नगरपालिकाले अहिलेसम्म कुनै पनि कदम चालेको छैन् ।

सामान्य खर्चमा बन्ने दमकल मर्मतमा नगरपालिकाले कुनै चासो देखाएको छैन स्थानीय घोडपाली टोली विकास समितिका अध्यक्ष बिनोदलाल गुप्ताले भने नगरपालिकाले खाली करमात्र लिने काम गछै सेवा दिने काम गदैन । करिब पचास लाख रुपैयाँ भन्दा बढि रकम पनि नपर्ने यस दमकल बिग्रेको दुइसाता भन्दा भइसक्दा पनि नगरपालिकाले यसको मर्मत कार्यमा भने चासो देखाएको छैन ।

चार हजार लिटर पानी अटने क्षमता रहेको यस दमकल समयमै मर्मत नभए यस क्षेत्रमा एक्कासी आगलागी भए ठूलो क्षति हुने सक्ने नगरका बासिन्दाहरूको भनाई रहेको छ । दमकल बिग्रेका कारण जिल्लाका बासिन्दाहरू मर्कामा परेका छन् तर अर्को तिर दमकलमा काम गर्न भनी राखिएका चारजना कर्मचारीहरूलाई भने कामै गर्नु परेको छैन् । यता यस सम्बन्धनमा रामग्राम नगरपालिकाका कार्यकारी अधिकृत दुर्गानाथ गौतमले रकम अभावका कारण दमकल मर्मत गर्न नसकिएको बताए ।