लोकप्रिय गायकका रुपमा परिचित रहेका गायक सुगम पोखरेल लागूऔषधको प्रयोगमा संलग्न रहेको अवस्थामा पक्राउ परेका छन् ।

प्रहरीले गोप्य सूचनाका आधारमा लागूऔषध प्रयोगकर्ताहरु भएको अखडा छापा मार्दा गायक पोखरेल पनि पक्राउ परेका हुन् ।

 

लागु औषध प्रयोग अभियोगमा गायक सुगम पोखरेलसहित सात जना पक्राउ परेको प्रहरी स्रोतले जनाएको छ । काठमाडौंको मैतीदेवीस्थित सेतोपुलबाट पोखरेलसहित सातजना पक्राउ परेका हुन् । गायक पोखरेलसँग पक्राउ पर्ने लागू औषध प्रयोगकर्ता भएको प्रहरीले दाबी गरेको छ ।

तर गायक पोखरेल भने लागूऔषध प्रयोगमा संलग्न छन् छैनन् भन्ने विषयमा छानबिन भइरहेको प्रहरी स्रोतले बतायो । पक्राउ परेका पोखरेलको बारे प्रहरीले थप अनुसन्धान गरिरहेको छ । प्रहरी प्रवक्ता केशव अधिकारीका अनुसार लागू औषध प्रयोगकर्ताहरुलाई कानुनी कारवाही अगाडि बढाइने छ ।