लमजुङ, २९ माघ/  लमजुङको ईशानेश्वर गाउँ विकास समितिमा एक ६९ बर्षिया बृद्धा बलात्कृत भएकी छन् ।

घरमा आएका एक युवकले मदिरा सेवन गरि आफूलाई बलात्कार गरेको पीडित बृद्धाले वताएकी छन् ।

गत २४ गते वेलुकी घरमा आएर रक्सी खाएका ईशानेश्वर गाउँ विकास समिति वडा नम्बर ८ करापुटारका शशी बास्तोलाले आफूमाथि बलात्कार गरेको पीडित बृद्धाले बताएकी छिन् ।

प्रहरीले बलात्कारको आरोपमा २३ बर्षिय शशी बास्तोलालाई पक्राउ गरेको छ । पीडितका आफन्तले उजुरी दिए पछि ईलाका प्रहरी कार्यालय भोर्लेटारबाट खटिएका प्रहरी टोलीले आईतबार मात्रै आरोपी बास्तोलालाई पक्राउ गरेको हो ।

पक्राउ परेका बास्तोला र पीडित बृद्धाको स्वास्थ्य परीक्षणका लागि सदरमुकाम वेसीशहरको लमजुङ जिल्ला सामुदायिक अस्पतालमा ल्याईएको जिल्ला प्रहरी कार्यालय लमजुङले जनाएको छ ।

बलात्कार गरेको आरोपमा पक्राउ परेका युवकमाथि शारीरिक परीक्षण गरिने र नियन्त्रणमा राखेर अनुसन्धान गरिने जिल्ला प्रहरी कार्यालय लमजुङका प्रहरी निरीक्षक राजेन्द्रप्रसाद रेग्मीले वताउनुभयो ।