काठमाडौं, १५ चैत/ हृदयाघात भएपछि एक महिनादेखि बैंककमा उपचार गराइरहनुभएका पूर्वयुवराज पारस शाहको डिस्चार्ज भएको छ ।

बैंकको समितिभेज अस्पतालमा उपचाररत पूर्व युवराज पारसको अवस्था सामान्य बनेपछि आज डिस्चार्ज गरिएको अस्पतालले जनाएको छ । डिस्चार्ज गरे पनि पारस अझै केही समय चिकित्सकको निगरानीमा बैंककमै रहनुपर्ने अस्पतालले जानकारी दिएको छ ।

यद्यपि पारसले भने केही समय चिकित्सकको निगरानीमा रहे पनि अर्कोसाता नेपाल फर्किने बताइएको छ । दोस्रोपटक हृदयाघात भएपछि उहाँलाई सिसियू र आइसियू कक्षमा राखी उपचार गराइएको थियो ।

पारसलाई हृदयघात भएपछि बैंकक पुगेको पूर्वराजपरिवार अहिले पनि बैंककमै रहेको छ ।