जन्मदिनमा जी शाहको कविता
पूर्वराजा ज्ञानेन्द्र शाहले आफ्नो जन्मदिनको अघिल्लो दिन कविता
लेख्नुभएको छ । पछिल्लो समयमा जिल्ला भ्रमण गर्दा नागरिक अभिनन्दनसहित
सम्बोधन गर्न थाल्नुभएका पूर्वराजाले झन्डै सात वर्षपछि पहिलोपटक जी शाहका
नाममा कविता लेख्नुभएको आजका नेपाल समाचारपत्र र अन्नपूर्ण पोष्टमा खबर
छापिएको छ।
कवितामा उहाँले फाटो ल्याउने वैरीविरुद्ध लाग्न तथा हिमाल, पहाड र तराईका
सबै नेपाली जनता एक हुन आह्वान गर्नुभएको छ । शाहको आज ६८औँ जन्मोत्सवसमेत
हो ।
यस्तो छ उहाँको कविता:
हिमाल पहाड तराई नेपाली जीवन अंग
एकता नै नेपाली प्राण अमृत रस–रंग
गाँसेका छौं अन्न जलले यही भूमिमा
छापेका छौ अटल हिमाल यही छातीमा
हाँसो खुसी नेपालीको नेपाल आमा मूल
बगैचामा रंगीचंगी विविध नेपाली फूल
यहाँकै उब्जाउने माटो छानेका फैली बाटो
यहाँ नै फाटो ल्याउने कुरैको वैरी बठो
हिमाल पहाड तराई नेपाली जीवन अंग
एकताको धागो छिने हुन्छौं भताभुंग
0 comments
Write Down Your Responses
Thanks for Your comment.