प्यूठान/  महिला हिंसाबिरुद्धको अभियान चलिरहेका बेला प्यूठानमा दुई बालिका बलात्कृत भएका छन् ।

तुषारा गाविसका १३ र १४ वर्षका बालिका गाउँका यूवाहरुबाट बलात्कारको शिकार भएका हुन् । उनीहरुलाई तुषारा गाविसकै २५ वर्षका खड्कबहादुर सुनार र वर्ष २० का सुवाष सुनारले जंगलको बिच बाटोमा करणी गरेको भन्दै प्रहरीमा उजुरी परेको छ ।

रक्सीले मातेर ओखरकोट ढाँडबाट घरतर्फ जाँदै गरेका उनीहरुले तुषारा–२, स्थित छिपछिपे जंगलमा सोमबार दिउँसो बालिकालाई बलात्कार गरेको आरोपमा उजुरी परेको प्रहरीले जनाएको छ ।

यूवाहरुबाट दिउँसै करणीमा परेका पीडित बालिकाहरु  सोमवार बेलुका अबेरसम्म आफन्तको सम्पर्कमा आएपनि मंगलबार जाहेरी दिएपछि मात्र घटना सार्वजनिक भएको स्थानीय बिष्णु न्यौपानेले बताउनुभयो ।

अभियुक्त खड्कबहादुरलाई स्थानीयले पक्राउ गरी प्रहरीलाई बुझाएका छन् भने उनलाई प्रहरीले अनुसन्धानका लागि अहिले हिरासतमा राखेको छ । अर्का अभियुक्त सुवास भने फरार छन् ।
साभार : उज्यालो अनलाइनबाट